被邀請到神學院分享！中大Guest Lecture嘉賓講座 《你不知道的女巫日常》

好感恩獲莫介文博士的邀請 - ̗̀ ( ˶’ᵕ‘˶) ̖́- 有幸係中大崇基學院神學院《迫害與獵巫》課堂上分享作為Christian Witch對信仰嘅心路歷程！！！

亦俾各位同學認識一下現代巫術對於靈性實踐嘅幫助♡

係準備過程提醒返自己勿忘初心，唔好忘記一路走來經歷過嘅一切～

與同學的合照

Christian Witch Path 呢條路確實唔易行。要成為一位巫師已經唔容易，

好多專業知識、個人修行嘅功課、心態上嘅嘢要經歷同學習，

我仲要揀條好多人覺得係「對立」嘅路😅🙏🏻

巫師嘅主神會直接影響你擅長嘅範疇，

最易賺錢一定係招財/桃花相關嘅魔法，

但我大佬穌哥女朋友都無個😭 野食唔夠分到要五餅二魚😅

認耶穌做主神而唔係認其他掌管金錢嘅神明，

係真係…😂 有啲蠢囉 （世俗角度）。

揀咗條咁嘅路都算，仲要不斷被基督徒Shame鳩你，話你拜撒旦 話你假先知 鬧你 公審你

一係友善啲嘅 會係咁勸你改邪歸正

打一大篇好感人嘅嘢 話好同情你嘅遭遇 話會幫你祈禱 仲叫你被邪靈騷擾嘅話好歡迎搵佢幫手🙏🏻🙏🏻🙏🏻 （除咗大家咁話 真係唔知講咩好😂

根本就無一個「合理」原因去做Christian Witch，對於女巫群體 基督徒獵巫嘅歷史係無法磨滅嘅集體創傷，

作為女巫 點解要信耶穌？信一個獵殺我地嘅宗教？

基督教更加唔洗講，我係由接觸女性主義 意識到基督教仇女嘅父權思想、對其他小眾嘅歧視、雙重標準等而離開，無可能返轉頭跟從一個咁樣嘅宗教。

所以其實我都明「Christian Witch」係真係好荒謬。好難理解。做咩要咁睇唔開😂🙏🏻

我大可以就咁做個普通嘅巫師。唔需要標榜自己跟邊條路。

但我好清楚，如果唔係耶穌，唔係多年係基督教裡面嘅訓練同經歷，我又唔會有今日

亦唔會有呢個咁特別嘅身份。

今次分享，整理咗我成為女巫前嘅靈性體驗。

有一半都係黎自基督教嘅context，另外嗰半就係基督教無辦法解釋嘅部分。

係巫術幫助我好好去理解同運用天賦。

回顧返自己係短短時間嘅成長，

由最初憎恨基督教，日日係Thread批鬥基督徒，

好強調「Christian」唔係基督徒而係follower of Christ，

到而家唔再執著於呢啲字眼，可以企係一大班神學生面前分享自己嘅經歷。

多謝hub church令我明白，其實基督徒又好、唔係又好

要做嘅嘢都係要做，要幫嘅人都係要幫。

與其浪費時間去批鬥一個宗教，去同唔理解嘅人爭執，不如用啲時間去修心 去幫有需要嘅人💖

.

.

.

好鍾意今日有一題問題

「你做嘅嘢同聖經嘅先知其實好似，點解要用女巫去稱呼自己？」

我答完之後 立刻有另一個同學仔話「使徒做你同樣嘅嘢係唔收錢，你做同樣嘅嘢但又要收錢會唔會唔係咁好？」

This’s the fun part.

Christian Witch就好似混血兒咁 混合住兩邊唔同嘅傳統

有相似嘅地方 亦有不同之處，

而正正就係因為呢啲位 令我呢個身份更加特別（或者特別難捱😂）

最近裸辭咗本身返緊嘅fulltime，希望朝全職療癒&魔法嘅路去發展，

挑戰一定越黎越多，但我繼續相信我大佬穌哥保佑🙏🏻

期待祢帶我行嘅路！！

各位未Follow 記住快啲Follow @elyisha.garden

如果有其他機構團體想邀請我分享信仰都非常歡迎💖請DM我~